Analisti Enton Abilekaj ka reaguar për marrëveshjen që pritet të shqyrtohet në Kuvend, duke paralajmëruar se miratimi i saj pa u...
AKTUALITET
“Rruga është mbushur me gropa”, banorët: Kamionët e Bankers e kanë shkatërruar!
Nga Xhuljan FerzajPërditësimi i fundit 30 Mars 2026, 08:18
Segmenti rrugor që lidh fshatrat Sheqishte, Beline dhe Marinzë është dëmtuar duke u mbushur me gropa e asfalt është gërryer.
Ky aks rrugor, pothuajse është kthyer i pakalueshëm, banorët ankohen se nuk investohet prej vitesh pavarësisht se është një rrugë e rëndësishme në zonën naftëmbajtëse të Marinzës. E ndërtuar 20 vite më parë, për të shmangur rrugën kombëtare Fier-Berat, për të shkurtuar kohën e lëvizjes, kjo rrugë pothuajse është shkatërruar plotësisht.
Dëmtimi i rrugës ka shkaktuar pengesa për kalimin e banorëve, fermerëve të cilët duan të punojnë tokat bujqësore.
“Rruga është prishur nga ura deri në fshatin Belin, duhet të bëhet urgjentisht, sepse kjo rrugë lidh të gjithë zonën këtej.
Mjetet kalojnë me vështirësi, shpesh herë pësojnë dëmtime, për shkak të gropave që gjenden në rrugë. Nëse nuk ndërhyhet, atëherë rrezikohet transporti në të gjithë zonën. Makinat e Bankers kalojnë këtu të gjitha, ata kanë përgjegjësi ta mirëmbajnë dhe rregullojnë rrugën nga e para. Makinat e tonazhit të rëndë, e kanë dëmtuar rrugën, prandaj duhet të ndërhyhet menjëherë”, shprehet një banor i zonës për Piranjat News.
Banorët e zonës, shprehen të shqetësuar dhe kërkojnë rikthimin e kësaj rruge jetike, që sot është lënë në harrës. Sipas tyre, nuk është vetëm problem infrastrukture, por një pengesë për jetesën dhe ekonominë e banorëve./Piranjat News
