Pak para zgjedhjeve për Parlamentin e Berlinit, grupi i hakerëve Rhysida vodhi të dhëna, shantazhoi Senatin e Berlinit dhe, pasi përp...
AKTUALITET
Salmonelë e antibiotikë të rrezikshëm në produktet e importuara! Dokumentet zbulojnë produktin e rrezikshëm
PiranjatPërditësimi i fundit 11 Shtator 2026, 10:58
Salmonelë dhe antibiotikë të rrezikshëm janë zbuluar te mishi i importuar nga Brazili. Dokumentet e AKU-së zbulojnë ngarkesa të kontaminuara dhe ngrenë alarmin për produktet që mund të kenë përfunduar në tavolinat tona.
Tonelata mish pule dhe fileto derri të importuara nga Brazili, kanë rezultuar të infektuara me baktere të rrezikshme dhe mbetje medikamentesh.
Te mishi i pulës është konstatuar “Salmonella Typhimurium”, një bakter agresiv që shkakton helmime të rënda deri në pasoja fatale për jetën.
Ndërsa te kofshët e pulës analizat zbuluan praninë e antibiotikut të ndaluar “Doxycycline”, i cili përdoret masivisht në Brazil për të fryrë kafshët artificialisht, duke shkatërruar sistemin imunitar të njerëzve që e konsumojnë.
Të dhënat zyrtare nga Autoritetit Kombëtar të Ushqimit (AKU) të siguruara ekskluzivisht nga “Ora News”, zbulojnë një realitet alarmant të sigurisë ushqimore përgjatë viteve 2025 dhe 2026.
Analizat laboratorike në Shqipëri kanë konstatuar tonelata mish pule dhe fileto derri me rrezik të lartë për shëndetin publik.
Më konkretisht, në vitin 2025 u kapën 14 ngarkesa me fileto derri dhe mish pule të ndotura me “Salmonella” dhe “Salmonella typhimurium”, një nga llojet më agresive dhe me rrezik spitalor.
Ndërsa në vitin 2026, u bllokua fileto pule e ngrirë me “Salmonella spp”.
Një nga gjetjet më shqetësuese të vitit 2026 është rasti i mishit të pulës me origjinë nga Brazili, i cili ka hyrë në Shqipëri nëpërmjet Shteteve të Bashkuara të Amerikës.
Ky itinerar ngre dyshime të forta mbi skemat që përdorin importuesit për të kaluar rrethin e kuq të kontrolleve të mishit të drejtpërdrejtë brazilian, duke “e pastruar” dokumentacionin në porte tranzit përpara se ta sjellin në tregun shqiptar.
Vetëm përgjatë vitit 2025, Shqipëria ka bllokuar dhe ka kthyer mbrapsht 14 ngarkesa masive me mish nga Brazili.
Vlen të theksohet se në mars 2025 ngriti alarmin se tonelata mish pule i infektuar me salmonelë ishte hedhur në treg dhe konsumohej masivisht nga qytetarët.
Edhe pse AKU u vu në lëvizje pas këtij denoncimi publik, ky institucion nuk dha asnjëherë informacion të saktë dhe të plotë në lidhje me sasinë e mishit të infektuar, që u konsumua nga qytetarët.
Bllokimi i 3 shtatorit nuk do të shënojë fundin e mishit të Brazilit në Shqipëri. Tonelata mish nga Brazili pritet të vijnë në Shqipëri përgjatë vjeshtës dhe dimrit./Ora News
