Ministria e Drejtësisë ka reaguar lidhur me transferimin e Erion Veliajt nga ambientet e paraburgimit, duke sqaruar se lëvizja drejt Institucioni...
AKTUALITET
Sazan Guri nga protesta: Rama ka bërë gjenocid me politikat ndaj këtij populli
PiranjatPërditësimi i fundit 28 August 2026, 20:37
Ambientalisti Sazan Guri ka marrë fjalën në protestën e 90-të para Kryeministrisë, duke e cilësuar lëvizjen qytetare si një shprehje të frymës dhe shpirtit shqiptar.Guri tha se, pavarësisht titujve apo roleve që mund të kenë individët, pjesëmarrja në protestë përbën një nga format më të larta të përgjegjësisë qytetare.
Sipas Gurit, kjo lëvizje nuk ka nevojë për komandantë apo drejtues, pasi forca e saj buron nga qytetarët. Ai tha se shqiptarët po protestojnë për të mbrojtur vendin dhe vlerësoi mënyrën paqësore të zhvillimit të protestës. Në vijim, Guri akuzoi qeverinë për politikat e saj ndaj qytetarëve, duke e cilësuar situatën si një “gjenocid” politik.
“Para se të vija këtu, më tha dikush: ‘Ti je profesor i madh’. Përgjigjja ime është: Pjesa më e lartë e çdo profesori, e çdo studenti, e çdo shqiptari është kjo protestë. Kjo lëvizje nuk ka nevojë për komandantë, gjeneralë, presidentë apo kryetarë. Kjo lëvizje ka një gjeneral më të madh se të gjithë këta komandantë apo secili prej nesh, dhe ai është fryma e protestës, fryma shqiptare dhe shpirti shqiptar.
Shqipëria ka nevojë kur ajo thërret. Çdo media e huaj, italiane, franceze, thotë: ‘Shikoni shqiptarët se sa bukur protestojnë dhe nuk shkatërrojnë’. Të gjithë shqiptarët sot protestojnë për të mbrojtur vatanin. Pra, ti i mallkuar, ke bërë gjenocid me politikën shqiptare ndaj këtij populli. Nuk është gabim të reagosh.”, pohoi Guri.
