Të shtëna me armë janë regjistruar pak më parë në Kurbin.
Si pasojë e kësaj dyshohet se ka mbetur i plagosur nj&eu...
AKTUALITET
Shembja e Beach bar-it pa leje, Lamallari: Nuk mund presim sa të ndërtohet betoni 7 kate! Efektivët të bëjnë punën, në të kundërtën do të kenë fatin e ish-kolegëve
PiranjatPërditësimi i fundit 19 Maj 2026, 18:09
Ministri i Brendshëm, Besfort Lamallari, ka zhvilluar një takim me drejtues të policisë, IKMT dhe institucione të tjera në Sarandë. Gjatë fjalës së tij, Lamallari u ndal edhe tek shembja e Beach bar-i pa leje, duke thënë se interesat publike nuk mund të rreshtohen në kufijtë e vetjakes.
Ai tha se reagimi i policisë, në lidhje me këtë rast ishte mesazhi i parë se nuk mund të pritet derisa të ndërtohet betoni 7 kate. Lamallari tha se efektivët e policisë nuk duhet të lejojnë më raste të tilla, por duhet t’i tregojnë vendin çdokujt, pasi në të kundërtën do të përballen me fatin e ish-kolegëve të tyre.
Besfort Lamallari: Saranda dhe gjithë bregdeti shqiptar është pasuri kombëtare. Nëse dikush mendon që interesat publike mund të rreshtohen në kufijtë e vetjakes, e ka shumë gabim. Reagimi i shpejtë i policisë, strukturave të mbikëqyrjes ishte mesazhi i parë për javën për të treguar që nuk mund të jetë një lojë dhe ne të presim sa të ndërtohet betoni 7 kate.
Kjo kërkon një hetim të thelluar, përveç përgjegjësisë direkte të atyre punonjësve që kanë përgjegjësi apo kanë flirtuar me paligjshmërinë, kjo vlen për çdo cep të bregdetit shqiptar. Mesazhi është shumë i qartë, ka dy rrugë për dikë që ka për detyrë të zbatojë ligjin: të bëjë detyrën me nder, por çdokush tjetër që mendon se mund ta bëjë diçka të tillë, llogaritë t’i bëjë vetë. Përveç ndërtimeve pa leje, ka një tjetër gjë: siguria dhe perceptimi i saj nga qytetarët. Do të ishte e papranueshme një xhirim gomash, jo më armëmbajtje pa leje. Punonjësit me uniformë të mos mbyllin sytë, por t’i tregojnë vendin çdokujt. Kjo është arsyeja pse kolegët tuaj sot nuk janë në tavolinë, por po përballen me drejtësinë.
