Napoli ka siguruar fitoren e parë nën drejtimin e Massimiliano Allegrit. Në miqësoren e zhvilluar në Dimaro,...
AKTUALITET
Sherr me armë mes shqiptarëve dhe afrikanëve në Trento, një i plagosur! Si ndodhi ngjarja
PiranjatPërditësimi i fundit 10 Prill 2026, 17:12
Një person ka mbetur i plagosur pas një sherri të shoqëruar me të shtëna arme zjarri, paraditen e së premtes (10 prill) në qendër të qytetit të Trentos, në Itali.
Sipas informacioneve paraprake, ngjarja ka ndodhur rreth orës 09:15, ku katër persona janë përfshirë fillimisht në një konflikt fizik. Dy prej tyre ndodheshin në një bar duke pirë kafe, ndërsa dy të tjerët kanë mbërritur në këmbë nga zona e Piazza Fiera. Pas përplasjes së parë, dy personat që ndodheshin në lokal janë larguar me vrap drejt një tabakerie në rrugën Santa Croce, ku janë ndjekur nga dy të tjerët. Brenda ambientit ka vijuar përleshja, e cila ka degraduar me përdorimin e një arme, dyshohet pistoletë manovre.
I plagosuri ka marrë lëndime në shpatull, ndërsa arma dyshohet të jetë përdorur edhe si mjet goditës gjatë konfliktit.
Alarmin e kanë dhënë pronarja e tabakerisë dhe nëna e saj, të cilat janë fshehur në pjesën e pasme të dyqanit, pa pësuar lëndime.
Policia ka ndaluar të katër personat e përfshirë në ngjarje. Fillimisht u dyshua për një grabitje, por hetimet e deritanishme tregojnë se bëhet fjalë për një konflikt mes dy shtetasve me origjinë shqiptare dhe dy të tjerëve me origjinë nga Afrika e Veriut.
Autoritetet italiane po vijojnë hetimet për të zbardhur plotësisht rrethanat, ndërsa një nga pistat kryesore është ajo e një përplasjeje për larje hesapesh, e lidhur me trafikun e drogës./ Piranjat news
