Sherr në stadiumin e Ballshit, shoqërohet në polici ish-lojtari i Partizanit

Një incident i rëndë është regjistruar këtë të diel në stadiumin “Adush Muça” në Ballsh, gjatë ndeshjes mes Orikut dhe Bylis B, e vlefshme për Kategorinë e Dytë.

Takimi është shoqëruar me tensione dhe përplasje mes lojtarëve në fushën e lojës, duke detyruar ndërhyrjen e forcave të policisë.

Si pasojë e incidenteve, policia ka shoqëruar mesfushorin 35-vjeçar të Orikut, Bruno Telushi, një emër i njohur për sportin, i cili në të kaluarën ka qenë pjesë e Partizanit për disa sezone.

Si pasojë e sherrit ndeshja qëndroi e ndërprerë për disa minuta. Sfida ndërkohë ishte e vlefshme për javën e parafundit në Grupin B të Kategorisë së Dytë.