Sherri me thika në Vlorë/ Prokuroria nis hetimet për 9 persona, mes tyre edhe disa të mitur

Prokuroria ka nisur hetimet për 9 personat të cilët u përfshinë pasditen e djeshme në sherrin me thika të ndodhur në Vlorë. Pasditen e djeshme, në lagjen “Lef Sallata”, ata janë konfliktuar fizikisht dhe me sende të forta, me njëri-tjetrin, për motive të dobëta. 

Si pasojë janë dëmtuar lehtë katër personat e përfshirë në konflikt, të cilët morën ndihmën e nevojshme mjekësore në spital dhe janë jashtë rrezikut për jetën.

Njoftimi i policisë

Specialistët për Hetimin e Krimeve të Komisariatit të Policisë Vlorë referuan materialet në Prokurori, ku nisi procedimi penal për shtetasit: S. L., 24 vjeç dhe S. L., 18 vjeç (vëllezër), M. V., 18 vjeç, E. K., 18 vjeç, K. S., 18 vjeç, si dhe për 4 shtetas të mitur (tre prej tyre 17 vjeç, tjetri 16 vjeç), të gjithë banues në Vlorë, pasi dyshohet se pasditen e djeshme, në lagjen “Lef Sallata”, janë konfliktuar fizikisht dhe me sende të forta, me njëri-tjetrin, për motive të dobëta. 

Si pasojë janë dëmtuar lehtë 4 nga shtetasit e përfshirë në konflikt, të cilët morën ndihmën e nevojshme mjekësore në spital dhe janë jashtë rrezikut për jetën.