Shfrytëzimi i paligjshëm i inerteve në Valbonë, IKMT gjobit subjektin me 2 milionë lekë
Inspektoriati Kombëtar për Mbrojtjen e Territorit (IKMT) ka ndëshkuar me gjobë prej 2 milionë lekësh subjektin "Sh.Mulosmani", pasi u konstatua duke shfrytëzuar në mënyrë të paligjshme materiale inerte në shtratin e lumit Valbonë.
Sipas deklaratës së IKMT-së, instritucioni ka urdhëruar edhe pezullimin e menjëhershëm të aktivitetit të këtij subjekti, deri në plotësimin e dokumentacionit të kërkuar ligjor.
Subjekti u ngarkua me detyrimin për të korrigjuar shkeljet e konstatuara dhe eleminimin e pasojave të tyre.
"Ndërhyrje të paligjshme në shtratin e Lumit të Valbonës, IKMT gjobit dhe pezullon subjektin. Inspektorati Kombëtar i Mbrojtjes së Territorit verifikoi në terren denoncimet mbi kryerjen e aktivitetit të paligjshëm në shtratin e lumit të Valbonës.
Gjatë inspektimit të kryer u konstatua se subjekti Sh.Mulosmani po kryente shfrytëzim të materialeve inerte nga shtrati i lumit në kundërshtim me përcaktimet ligjore.
Për shkak të shkeljeve të konstatuara, IKMT mori masë administrative me gjobë në vlerën 2,000,000 lekë dhe pezullim të aktivitetit deri në pajisjen me lejen përkatëse sipas legjislacionit në fuqi. Subjekti u ngarkua me detyrimin për të korrigjuar shkeljet e konstatuara dhe eleminimin e pasojave të tyre.", njofton IKTM.
Lexo edhe
AKTUALITET
Mbylli në shtëpi fëmijët e tij për të takuar një 14-vjeçare, arrestohet 32-vjeçari shqiptar
Zjarr në kompleksin “Aura” në Laprakë! Banorët: Zjarrfikësja erdhi një orë me vonesë
Maliq/ Insekti i rrezikshëm bën kërdinë, shteti me zgjidhje gjeniale: "Spërkatni arat me dronë"
Zhduket një 9-vjeçar në Tiranë, familja kërkon ndihmën e qytetarëve për ta gjetur
Ankimohet në KPP tenderi 940 mijë euro për projektin e stacionit hekurudhor në Rinas
