Deputetja e pavarur Marjana Koçeku ka zbuluar se ka marrë oferta politike nga subjekte të ndryshme, por ka vendosur të vijojë aktivit...
AKTUALITET
Shkaktoi aksidentin zinxhir dhe ishte në gjendje të dehur, arrestohet punonjësi i Bashkisë Gjirokastër
PiranjatPërditësimi i fundit 18 Prill 2026, 15:57
Policia ka arrestuar ditën e sotme një punonjësin e Bashkisë Gjirokastër, pasi përplasi ditën e djeshme katër automjete dhe plagosi tre persona.
Ai ishte duke drejtuar në gjendje të dehur automjetin tip kamion në pronësi të bashkisë, ndërsa është përplasur me 4 automjete. Mbi të rënojnë akuzat për veprat penale “Drejtimi i automjeteve në mënyrë të parregullt” dhe “Shkelja e rregullave të qarkullimit rrugor”.
Njoftimi
Specialistët e Sektorit të Policisë Rrugore arrestuan në flagrancë shtetasin V. B., 55 vjeç, banues në Gjirokastër, me detyrë punonjës në Sektorin e Mirëmbajtjes pranë Drejtorisë së Shërbimeve Komunitare Gjirokastër, pasi ditën e djeshme, në lagjen Varosh, duke drejtuar në gjendje të dehur automjetin tip kamion në pronësi të bashkisë, është përplasur me 4 automjete. Si pasojë e aksidentit janë dëmtuar lehtë 3 shtetas.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme, për veprat penale “Drejtimi i automjeteve në mënyrë të parregullt” dhe “Shkelja e rregullave të qarkullimit rrugor”.
