16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
AKTUALITET
Shkatërrohet banda e shqiptarëve, dyshohet për të paktën 40 grabitje në banesa
PiranjatPërditësimi i fundit 15 September 2026, 23:42
Katër shqiptarë janë arrestuar në Itali, pasi dyshohen se janë pjesë e një grupi kriminal që ka kryer të paktën 40 vjedhje në banesa në disa rajone të vendit.
Operacioni është zhvilluar nga karabinierët e Kompanisë së Solofras, në provincën e Avellinos, në bashkëpunim me repartet territoriale të Arma dei Carabinieri.
Në pranga kanë rënë katër shtetas shqiptarë, banues në provincat e Napolit dhe Casertas, të moshave nga 24 deri në 38 vjeç.
Ndaj tyre është ekzekutuar një masë arresti në burg, e lëshuar nga gjyqtari i hetimeve paraprake pranë Gjykatës së Avellinos.
Të katër akuzohen për ‘associazione per delinquere’, pra organizim kriminal me qëllim kryerjen e vjedhjeve në banesa, kryesisht në qendra të vogla urbane në territorin italian.
Hetimet, të koordinuara nga Prokuroria e Avellinos, nisën pas një serie të gjatë vjedhjesh në banesa, veçanërisht në zonën e Aiello del Sabato, në rrethinat e Avellinos, gjatë muajit janar.
Sipas rindërtimit të hetuesve, grupi dyshohet se ka vepruar në disa rajone të Italisë, duke shtrirë aktivitetin kriminal në Lazio, Molise dhe Campania.
Karabinierët, gjatë hetimeve, kanë lidhur me grupin të paktën 40 episode vjedhjesh në banesa.
Autoritetet italiane vijojnë hetimet për të dokumentuar të gjitha episodet e dyshuara dhe për të përcaktuar nëse grupi ka pasur persona të tjerë të përfshirë në aktivitetin kriminal.
Të arrestuarit do të përballen me procedurat e mëtejshme gjyqësore, ndërsa përgjegjësia e tyre do të përcaktohet përfundimisht nga gjykata.
