16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
AKTUALITET
Shkrirja e Divjakës me Lushnjën, bashkia mbledh argumentet kundër: Relacioni shkon në Kuvend
PiranjatPërditësimi i fundit 14 September 2026, 19:40
Komisioni i ngarkuar nga Këshilli Bashkiak i Divjakës për përgatitjen e relacionit kundër shkrirjes së Bashkisë Divjakë, ka dalë në terren për të marrë mendimin e qytetarëve përmes dëgjesave publike.
Dëgjesa e parë u zhvillua në Divjakë, ku përveç anëtarëve të komisionit, salla ishte e mbushur plot me qytetarë. Takimi nisi me tone të ashpra, pasi disa prej pjesëmarrësve kërkuan praninë e deputetes së zonës, si dhe të përfaqësuesve nga hartuesit e Reformës Territoriale. Gjatë takimit, kryetari i Bashkisë Divjakë, Josif Gorrea, informoi pjesëmarrësit mbi relacionin e përgatitur nga komisioni, material i cili do të paraqitet në Kuvend për të kundërshtuar projektin territorial për shkrirjen e Bashkisë Divjakë me Lushnjën.
Gorrea renditi disa prej fakteve, të cilat, sipas tij, përbëjnë një argument të fortë që Kuvendi të mos miratojë shkrirjen e Bashkisë Divjakë. Edhe nënkryetari i Këshillit Bashkiak dhe përfaqësuesi i opozitës, Eugen Verdho, u shpreh se opinionet e qytetarëve do të përfshihen në materialin e komisionit, në mbrojtje të pozicioneve të Divjakës si bashki.
Pjesëmarrësit që morën fjalën u shprehën kundër shkrirjes së Bashkisë Divjakë, duke bërë thirrje që në protestën që mbahet prej 45 ditësh të ketë edhe mbështetjen e administratës, fermerëve dhe bizneseve. Gjithashtu dëgjesat do të vijojnë edhe në njësitë administrative gjatë ditëve të ardhshme.
