Deputetja e pavarur Marjana Koçeku ka zbuluar se ka marrë oferta politike nga subjekte të ndryshme, por ka vendosur të vijojë aktivit...
AKTUALITET
Shpërndarësi i drogës u hakmor ndaj policit që e arrestoi, urdhëroi 39 vjeçarin t'i digjte makinën! Zbardhet "Porosia" në Vlorë (VIDEO)
PiranjatPërditësimi i fundit 18 Prill 2026, 14:06
Albano Merkaj, një 39 vjeçar nga Vlora, është arrestuar nga shërbimet e Policisë në qytetin bregdetar, pasi nga hetimet ka rezultuar se një javë më parë ka djegur makinën personale të një polici, me iniciale D.P.
Mësohet se ky punonjës policie ka qenë pjesë e një grupi që në datë 2 Prill në qytetin e Vlorës, ka kapur në flagrancë shtetasin L.H, i cili kishte thyer masën e sigurisë "arrest shtëpie". Në shenjë hakmarrje, ai ka urdhëruar t'i digjej makina policit.
Si pasojë e përhapjes së flakëve, është përfshirë dhe është dëmtuar edhe një automjet tjetër i markës “Mercedes-Benz”, në pronësi të shtetasit R. K.
Në vijim të veprimeve hetimore, është bërë identifikimi i porositësit të dyshuar të kësaj ngjarjeje, shtetasit L. H., 35 vjeç, banues në Vlorë, i cili aktualisht ndodhet me masë sigurie “Arrest në burg”.
Nga hetimet paraprake dyshohet se kjo ngjarje ka lidhje me një operacion policor të datës 02.04.2026, gjatë të cilit shërbimet e forcës së posaçme “Shqiponja”, ndër të cilët ishte edhe punonjësi i Policisë D. P., kanë kapur në flagrancë shtetasin L. H., pasi kishte thyer masën e sigurisë “Arrest në shtëpi”, të caktuar nga Gjykata për veprën penale “Prodhimi dhe shitja e narkotikëve”.
