EMRI/ Shpërthim tritoli në oborrin e banesës së 67 vjeçarit, detajet e para

Një shpërthim tritoli ndodhi rreth orës 00:10, në oborrin e banesës së një 67 vjeçi, në fshatin Toç, Memaliaj.

Burime për Piranjat News bëjnë me dije se bëhet fjalë për shtetasin Bujar Kapa, shpërthimi ka shkaktuar vetëm dëme materiale. Autorët e vendosjes së tritolit dogjën automjetin në aksin rrugor “Krahës–Memaliaj", në afërsi të fshatit Qesarat.

Njoftimi i policisë:

Memaliaj / Informacion paraprak

Më datë 06.04.2026, rreth orës 00:10, në oborrin e banesës së shtetasit B. K., 67 vjeç, në fshatin Toç, dyshohet se ka shpërthyer një sasi lënde plasëse, duke shkaktuar vetëm dëme materiale.

Autori/autorët, gjatë largimit, në aksin rrugor “Krahës–Memaliaj", në afërsi të fshatit Qesarat, dyshohet se kanë djegur automjetin me të cilin lëviznin dhe më pas janë larguar në këmbë.

Shërbimet e Policisë vijojnë kontrollin e zonës për lokalizimin dhe kapjen e autorit/autorëve.

Grupi hetimor, nën drejtimin e Prokurorisë, vijon intensivisht veprimet hetimore për sqarimin dhe zbardhjen e plotë të rrethanave të ngjarjes, si dhe për identifikimin dhe kapjen e autorit/autorëve.