“Shqipëria e rinisë, jo e partisë”/ Qytetarët vijonë marshimin e tyre kilometrik: Rama në burg

TIRANË- Qytetarët po vijojnë marshimin e tyre kilometrik në rrugët e kryeqytetit, ndërsa knë thirrur njëzëri: “Shqipëria e rinisë, jo e partisë” dhe “Rama në burg”. Me pankarta në duar dhe flamuj kuqezi, ata kanë bërë thirrje për ndryshim dhe një Shqipëri të Re!

Tubimi ka kaluar edhe nga Rruga e Kavajës, ndërsa kanë bërë thirrje për më shumë pjesëmarrje në protestën e cila do të zhvillohet ditën e nesërme. Gjatë marshimit qytetarët kanë bërë thirrje edhe për arrestimin e Ramës dhe Berishës, duke shtuar se Shqipëria është e rinisë dhe jo e partisë.

Protesta e cila nisi si një reagim i drejtpërdrejtë ndaj situatës së ndodhur në Zvërnec, përfundoi në kërkesën për dorëheqjen e kryeministrit Edi Rama. Tubimi ka bërë bashkë fëmijë, të moshuar, studentë, profesionistë, aktivistë dhe turistë.

Qytetarët kanë kërkuar plotësimin e pesë kërkesave të cilat përfshijnë dorëheqjen e panegociushme të kryeministrit Rama, krijimin e një qeverie teknike dhe ndryshime kushtetuese.