Tenderi 50 milionë euro për mirëmbajtjen e akseve rrugore kombëtare është është shndërruar në një skandal...
AKTUALITET
Vranë korrierin me çanta 500 mijë euro, shqiptari dhe turku dënohen me burg përjetë
PiranjatPërditësimi i fundit 30 Mars 2026, 23:02
Dy burgime të përjetshme dhe një dënim me 21 vjet e 2 muaj janë dhënë nga Gjykata e Assize në Grosseto ndaj tre të pandehurve për rrëmbimin dhe vrasjen e korrierit Nicolas Mathias Del Rio, 40 vjeç, me origjinë argjentinase.
Ai u zhduk në zonën e Amiatës më 22 maj 2024, ndërsa transportonte një ngarkesë çantash luksoze me vlerë rreth 500.000 euro.
Vendimi u dha sot pas rreth pesë orësh diskutime në dhomën e këshillimit.
Me burgim të përjetshëm-me 6 muaj izolim në burg-u dënuan Klodjan Gjoni, 35 vjeç, shqiptar, dhe Ozkurt Bozkurt, 45 vjeç, turk, ndërsa me 21 vjet, 2 muaj e 20 ditë u dënua Emre Kaja, 30 vjeç, turk. Procesi u zhvillua për akuza të ndryshme, përfshirë grabitje, zjarrvënie të qëllimshme, rrëmbim personi, vrasje me dashje dhe fshehje të kufomës.
Sipas gjykatës, ata janë përgjegjës për sulmin që përfundoi me vrasjen e korrierit 40-vjeçar, pasi e grabitën dhe e rrëmbyen ndërsa ai po kryente dorëzimin e çantave të markës Gucci. Trupi i pajetë i Nicolas Mathias Del Rio u gjet rreth një muaj më vonë në një pus në Case Sallustri, një zonë pranë Arcidosso-s, brenda një shtëpie pushimi ku ishte mbajtur i rrëmbyer dhe i fshehur, përpara se të vritej.
Për javë të tëra, karabinierët zhvilluan kërkime intensive, që nga momenti kur u gjet furgoni i djegur. Del Rio punonte si punonjës i një kompanie lokale dhe po transportonte mallin për llogari të saj.
