Një vajzë vetëm 8 vjeçe është plagosur rëndë pas një sulmi nga ujqërit në një park të ...
AKTUALITET
Shqiptari vret bashkëshorten në Greqi, më pas konsumon karburant për t’i dhënë fund jetës
PiranjatPërditësimi i fundit 26 August 2026, 15:46
Një ngjarje e rëndë ka tronditur Rodope-n në Greqi, ku një 53-vjeçar me origjinë shqiptare dyshohet se ka vrarë me thikë bashkëshorten e tij 44-vjeçare dhe më pas ka tentuar të vetëvritet.
Krimi ndodhi në banesën ku çifti jetonte së bashku. Ata kishin tre fëmijë, dy prej të cilëve të rritur, ndërsa më i vogli është 16 vjeç. Ishte njëri prej fëmijëve ai që njoftoi autoritetet për ngjarjen.
Pas dyshimeve për vrasjen e gruas, 53-vjeçari ka konsumuar karburant në tentativë për t’i dhënë fund jetës. Ai u transportua në spital, ku po merr trajtim mjekësor dhe ndodhet nën mbikëqyrjen e mjekëve.
Policia ka sekuestruar në banesë dy thika, të cilat pritet të analizohen për të përcaktuar rolin e tyre në ngjarje dhe për të mbledhur prova të tjera.
Sipas raportimeve të mediave greke, marrëdhënia mes çiftit kishte qenë problematike edhe më herët. Në vitin 2022, kur jetonin në Heraklion të Kretës, 44-vjeçarja kishte denoncuar bashkëshortin për kërcënime pas një konflikti mes tyre.
Në atë kohë, 53-vjeçari ishte arrestuar nga autoritetet, por më pas ishte lënë i lirë.
Policia dhe autoritetet e drejtësisë greke vijojnë hetimet për të përcaktuar rrethanat dhe motivin e saktë të krimit.
