Studentët në Universitetin e Korçës kanë vijuar bojkotin e mësimit, në mbështetje të protestës studentore e ...
AKTUALITET
Shqiptarja kapet në Greqi me 215 kg kanabis – përplas makinat e policisë me fëmijën në makinë
PiranjatPërditësimi i fundit 16 December 2025, 13:02
Mesditen e së hënës, 15 dhjetor 2025, në Janinë, Greqi, një grua 23-vjeçare, së bashku me dy burra të tjerë, të gjithë me shtetësi të huaj, u arrestuan për trafik droge, dhunë ndaj punonjësve të policisë, si dhe drejtim të rrezikshëm të mjetit.
Sipas mediave greke, 23-vjeçarja, në automjetin që ajo drejtonte, kishte dhe djalin e saj 2 vjeç, teksa po transportonte 215 kilogramë kanabis, ndërsa dy burrat e tjerë po bënin roje nga një makinë tjetër. Pasi uniformat blu nisën ndjekjen e automjeteve, 23-vjeçarja kreu manovra të rrezikshme, si dhe përplasi makinat e policëve në përpjekje për t’u arratisur, e gjitha kjo me djalin e saj të mitur në mjet.
Pas pak kohë ndjekjeje, policia arriti të ndalonte 23-vjeçaren, brenda makines të së cilës u gjenden 118 pako me kanabis, me peshë totale 215 kilogramë.
Por, edhe pse nuk permendet shtetësia e të arrestuarve, targat e vërteta të makinave janë të autoriteteve shqiptare, të cilat ndodheshin brenda mjeteve. Sakaq, makinat kishin të vëna targa greke të vjedhura.
Përveç kanabisit dhe makinat, u sekuestruan 3 telefona celularë si dhe 510 euro.
