Valëvitja e një flamuri shqiptar me simbole kombëtare në qytetin shqiptar të Gucisë, në Mal të Zi, është sho...
AKTUALITET
Shuma marramendëse që mund të paguajnë shqiptarët për tekat e Ramës dhe Ballukut për aeroportin e Vlorës
PiranjatPërditësimi i fundit 5 Gusht 2026, 16:12
Biznesmeni Behgjet Pacolli ka paralajmëruar se do të padisë qeverine shqiptarë në Abritrazh duke kërkuar kompesim maksimal për Aeroportin e Vlorës.
Deklarata e Pacollit ka ardhur menjëherë pasi ministria e Infrastrukturës dhe Energjisë njoftoi aktivizimin e proçedurës për shtetëzimin e aeroportit, pas ngërçit të gjatë që është krijuar mes dy aksionerëve të tij.
Pacolli thotë se nisjen e proçedurave për shtetëzimin e koncesionit e ka mësuar përmes mediave, pasi qeveria nuk e ka informuar zyrtarisht, duke e quajtur këtë si të papranueshme. Sipas tij, Mabco është ekspozuar me më shumë se 320 milionë euro në investimin për aeroportin e Vlorës, pa përfshirë fitimin e munguar.
Sipas planit të biznesit të konçesionit, për të gjithë periudhën 35 vjeçare Aeroporti i Vlorës do të gjenerojë rreth 720 milionë euro të ardhura. Kjo me sa duket duket do të jetë edhe kërkesa e Mabco-s në arbitrazhin kundër Shqipërisë.
Kujtojmë se kjo është një tjetër barrë që mund t'u ngarkohet taksapaguesve shqiptarë, pas asaj të Beketit. Në rastin e parë "Beketi" shqiptarët po paguajnë për tekat e Ramës dhe Erion Veliajt, në rastin e Pacollit mund të paguajnë rreth 720 milionë euro për teka të Ramës dhe Ballukut.
Sot Ministria e Infrastrukturës dhe Energjisë ka nisur procedurën për zgjidhjen e Kontratës së Koncesionit të Aeroportit Ndërkombëtar të Vlorës. Deri në këtë moment, MABCO Constructions SA nuk ka marrë asnjë njoftim zyrtar nga Autoriteti Kontraktor. Për një investim strategjik me rëndësi kombëtare, është e papranueshme që investitori të informohet nga mediat dhe jo nga institucionet shtetërore.
Nëse ky lajm rezulton i vërtetë, atëherë shteti shqiptar po zgjedh me vetëdije rrugën e arbitrazhit ndërkombëtar. MABCO ka bërë çdo përpjekje për ta shmangur këtë skenar dhe për të gjetur një zgjidhje institucionale. Fatkeqësisht, përballë papërgjegjshmërisë, heshtjes dhe veprimeve të paligjshme të disa përfaqësuesve shtetërorë, çdo mundësi për zgjidhje është mbyllur.
Ky arbitrazh do të jetë pasojë e drejtpërdrejtë e neglizhencës, veprimeve të kundërligjshme dhe papërgjegjshmërisë së disa përfaqësuesve të institucioneve shtetërore, e veprimeve të elementëve që, nën mbulesën e institucioneve, kanë vepruar jashtë ligjit, si dhe e dështimit të një sistemi drejtësie të ndikuar për të garantuar zbatimin e ligjit dhe mbrojtjen e të drejtave të investitorit.
Nuk kam dëshiruar kurrë që taksapaguesit shqiptarë të paguajnë faturën e neglizhencës, papërgjegjshmërisë dhe vendimeve të paligjshme të zyrtarëve që sot vazhdojnë të sillen me indiferencë, sepse ata nuk mbajnë asnjë përgjegjësi personale. Dëmin nuk e paguajnë ata, por qytetarët shqiptarë dhe biznesi.
MABCO është ekspozuar financiarisht me mbi 320 milionë euro, pa përfshirë humbjen e fitimit dhe kostot ligjore. Kompania kishte përfunduar pothuajse të gjitha detyrimet kontraktore dhe ndodhej vetëm pak para fazës së certifikimit të aeroportit.
Megjithatë, pas vendimit të Gjykatës së Lartë, grupe që veprojnë në mënyrë arbitrare dhe jashtë ligjit, me mbështetje ose tolerim institucional, penguan MABCO-n të hynte në kantier dhe të përfundonte projektin. Për muaj të tërë, në prani të Policisë së Shtetit, investitori u mbajt jashtë pronës së tij, ndërsa pajisje me vlerë u dëmtuan, u shkatërruan dhe një pjesë edhe u vodhën.
Paradoksi është i qartë: nga njëra anë institucionet penguan përfundimin e projektit, ndërsa nga ana tjetër kërkojnë ta përdorin këtë pengesë si arsye për zgjidhjen e kontratës.
Kjo bie ndesh me vendimin e Gjykatës së Lartë, me Kontratën e Koncesionit, me Marrëveshjen Dypalëshe për Mbrojtjen e Investimeve ndërmjet Zvicrës dhe Shqipërisë dhe me parimin universal të së drejtës se askush nuk mund të përfitojë nga sjellja e vet e paligjshme.
Nëse procedura konfirmohet, MABCO do të mbrojë të drejtat e saj me të gjitha mjetet juridike, përfshirë provat dhe faktet qe posedon kunder seicilit qe ka shkaktuar këtë skandal të turpshëm e deri të ARBITRAZHI tregtar ndërkombëtar kundër Republikës së Shqipërisë.
Ky nuk është një kërcënim. Është pasoja juridike e veprimeve joligjore dhe mosveprimeve të papërgjegjshme të përfaqesuesve të institucioneve shtetërore.
