Roberto Galanti, së bashku me mikun e tij Gian Pietro Tonti, u hodh menjëherë në ujë për t’i shpëtuar. “A...
AKTUALITET
Situata me zjarret/ Kryetari i Bashkisë së Mirditës: Flakët po përhapen nga era, zjarret janë të qëllimshme
PiranjatPërditësimi i fundit 21 Gusht 2026, 17:57
Situata me zjarret në Mirditë vijon të jetë problematike, ndërsa flakët po përhapen me shpjtësi si pasojë e erës. Kryetari i Bashkisë së Mirditës, Alber Melyshi tha se sot është ndër situatat më të rrezikshme që mund të kemi pasur në bashkinë Mirditë sepse u favorizua nga era.
Ai theksoi se në dy lagje janë evakuuar banorët, ndërsa situata vazhdon të jetë e vështirë. Më tej, ai theksoi se në disa raste janë zjarrvënie të qëllimshme, ndërsa kanë diskutuar me autoritete që të marrin masa.
“Sot është ndër situatat më të rrezikshme që mund të kemi pasur në bashkinë Mirditë sepse u favorizua nga era. Kishim shumë familje që ishin në zona të shpërndara pyjore dhe që ishte vështirë për të ndërhyrë, por fatmirësisht deri tani nuk kemi dëme në banesa, as në jetë njerëzish.
Në dy lagje kemi evakuuar banorë. Vazhdon të jetë realisht e vështirë situata, por dhe me ndihmën e mjeteve zjarrfikëse që kanë ardhur shtesë shpresoj që të vazhdojë të normalizohet situata. Duket se në disa raste janë zjarrvënie të qëllimshme, sepse brenda vitit kemi ndërhyrë disa herë dhe i kemi shuar, duket se ka një dorë që do t’i djegë pyjet, dhe e kam diskutuar me autoritete që të marrin masa”, tha ai.
