Situata me zjarret në Krujë, nis evakuimi i banorëve që rrezikohen nga flakët

Forcat e Policisë kanë nisur nxjerrjen e banorëve nga banesat, ndërsa është marrë vendimi për evakuimin e zonave më të ekspozuara ndaj flakëve.

Mësohet se procesi i evakuimit është përqendruar veçanërisht në banesat që ndodhen në pjesën pranë malit, ku situata paraqet rrezik për përhapjen e mëtejshme të zjarrit.

Autoritetet po vijojnë ndërhyrjen në terren, ndërsa prioritet mbetet largimi i banorëve nga zonat e rrezikuara dhe garantimi i sigurisë së tyre.

Situata mbetet dinamike, ndërsa ekipet e emergjencave dhe shërbimet e tjera vijojnë të jenë në terren për përballimin e situatës së krijuar nga zjarri.

Këtë e ka konfirmuar edhe ish-kandidati për deputet i PD, Aulon Kalaja., i cili me anë të një videoje të postuar në rrjetet sociale, ka thënë se ka nisur evakuimi i zonës.

“Policia po nxjerr banorët nga shtëpia dhe ka nxjerrë urdhër evakuimi për banesat që janë të fokusuara në këtë pjesë. Banesat që janë në pjesën e majtë dhe afër malit, në lagjen ‘Abaze’, po evakuohet zona, sepse ka një rrezik potencial nga banorët në këtë pjesë”, u shpreh Kalaja.