Situatë alarmante nga zjarri pranë Lundrës/ Flakët përfshijnë sipërfaqe të mëdha me bimësi, ndërpritet energjia elektrike dhe furnizimi me ujë

Vatra e zjarrit në zonën e Daiasit, pranë Lundrës në Tiranë po vijojnë të përhapen masivisht. Flakët po favorizohen nga erërat lokale dhe bimësia e zonës. Operacioni për shuarjen e flakëve po ndiqet nga afër nga forcat zjarrfikëse të Tiranës dhe Kamzës.

Në ndihmë të tyre janë kërkuar forca edhe nga Elbasani. Gjithashtu në vendin më kritik të zjarrit është drejtori i Policisë së Tiranës, Oliger Torba dhe strukturat e tjera policore për të menaxhuar situatën. Deri tani zjarri i përmasave të mëdha është në zonat kodrinore dhe nuk raportohet që të jetë në afërsi të banesave apo objekteve.

Ndërkohë, drejtoria e Ujësjellës Kanalizimeve Tiranë ka njoftuar se për shkak të zjarreve në zonën e Priskës e të Farkës, stacioni i pompimit në Priskë është fikur, pasi ka ndërprerje të energjisë elektrike. Për rrjedhojë në Lundër do të ketë ndërprerje të energjisë elektrike.