Një aksident rrugor me përplasjen e tre automjeteve ka ndodhur mbrëmjen e së dielës në autostradën Rrogozhinë-Lushnj&eum...
AKTUALITET
Situatë kritike në Pukë/ Zjarri në Fushë-Lajë e Tërbun shtrihet në 10 km, nis ndërhyrja nga ajri me dy helikopterë
PiranjatPërditësimi i fundit 18 August 2026, 10:49
Situata e zjarreve në sipërfaqet pyjore të Fushë-Lajës dhe Tërbunit vijon të jetë alarmante dhe aktive. Pas disa ditësh përballjeje me flakët, terreni i vështirë malor, temperaturat e larta dhe erërat e forta kanë favorizuar përhapjen e shpejtë të zjarrit, duke krijuar një vijë flakësh që shtrihet në rreth 10 kilometra në drejtim të Tërbunit, Gojanit dhe Gjegjanit.
Përballë kësaj sfidë të madhe, Bashkia Pukë ka kërkuar mbështetje urgjente nga ajri krahas punës pa ndërprerje në terren.
Falë një koordinimi të ngushtë ndërinstitucional me Prefekten e Qarkut Shkodër, Holta Duda, drejtuesit e emergjencave civile dhe drejtuesit e MZSH-së, kërkesa është konkretizuar me angazhimin e dy helikopterëve, të cilët po operojnë nga ajri për izolimin e vatrave në zonat më të pakalueshme.
Operacioni në terren po ndiqet direkt nga Zëvendëskryetari i Bashkisë Pukë, Ferit Ringaj, dhe Shefi i MZSH Pukë, Agron Hadroj. Ndërsa falënderon të gjitha strukturat e përfshira për mbështetjen e menjëhershme, Bashkia Pukë konfirmon se do të qëndrojë në gatishmëri të plotë deri në shuarjen e plotë të zjarrit, mbrojtjen e pyjeve dhe garantimin e sigurisë së banorëve.
