Skandal digjital/ e-Albania bie sërish, qytetarët në “errësirë” online

Platforma shtetërore e-Albania ka dalë sërish jashtë funksionit, duke lënë mijëra qytetarë dhe biznese pa akses në shërbimet bazë. Prej orësh, përdoruesit përballen me mesazhe gabimi si “This site can’t be reached” dhe “connection timed out”, ndërsa çdo tentativë për të hyrë në sistem dështon.

Mosfunksionimi i platformës ka bllokuar një sërë shërbimesh thelbësore, përfshirë:

aplikimet për dokumente zyrtare

gjenerimin e certifikatave

procedurat administrative online

shërbimet për bizneset dhe raportimet

Për shumë qytetarë, kjo do të thotë pamundësi për të përfunduar procedura të rëndësishme, ndërsa për bizneset sjell ndërprerje të aktivitetit të përditshëm. Rastet e ndërprerjeve në e-Albania nuk janë të reja. Gjatë muajve të fundit, përdoruesit kanë raportuar shpesh vështirësi në akses, ngadalësim të sistemit dhe bllokime gjatë proceseve të aplikimit.

Këto problematika po ngrenë shqetësime mbi qëndrueshmërinë dhe kapacitetin e platformës për të përballuar fluksin e përdoruesve.

Në një kohë kur shumica e shërbimeve publike në Shqipëri janë dixhitalizuar, funksionimi i qëndrueshëm i e-Albania është thelbësor. Çdo ndërprerje e tillë nuk është vetëm një problem teknik, por një çështje që prek drejtpërdrejt jetën e përditshme të qytetarëve dhe aktivitetin ekonomik të vendit./Piranjat news