Skandal në Berat/ Telat e korentit lidhen me spango, rrezik për jetën e banorëve

Një situatë shqetësuese është denoncuar nga një qytetar në fshatin Gjeroven, lagjja Tulan Shanë, në Berat, ku telat e energjisë elektrike janë improvizuar duke u lidhur me spango dhe shkopinj për të mos u lëkundur nga era.
Sipas banorëve, sa herë fryn erë, energjia elektrike ndërpritet, ndërsa zgjidhja e vetme ka qenë ndërhyrja e tyre me mjete rrethanore.

Në videon e siguruar, duken qartë kushtet e rrezikshme të instalimit, që përbëjnë një kërcënim serioz për sigurinë e banorëve. Qytetari shprehet se, pavarësisht ankesave të vazhdueshme, përgjigjja nga përgjegjësit ka qenë neglizhuese, duke u thënë se ndërhyrjet do të bëhen “kur të duan vetë”, një qëndrim që sipas tij i është komunikuar edhe kryeplakut të zonës.

Banorët kërkojnë ndërhyrje të menjëhershme nga institucionet përgjegjëse për të shmangur çdo rrezik të mundshëm për jetën dhe pronën./Piranjat News