Skandal në Gjykatën e Tiranës/ “Greva e rrogave” i shtyn seancën me 7 muaj, avokati: Ku ta di unë që do jemi gjallë

Një avokat denoncon një tjetër rast të shtyrjes së gjatë të një seance gjyqësore në Tiranë.

Sipas tij, seanca e zhvilluar javën e kaluar u shty për shkak të “grevës së rrogave”, ndërsa palës i është njoftuar se seanca e radhës do të zhvillohet më 8 shkurt 2027, ora 10:00.

Avokati ngre pikëpyetje mbi arsyen dhe kohëzgjatjen e shtyrjes, duke e konsideruar absurde që një proces të rikthehet në sallën e gjyqit pas rreth 7 muajsh.

“Ku ta di unë ose pala ime që do jemi gjallë pas 6 muajsh?”, shkruan ai në denoncimin e tij, duke ironizuar më tej edhe me pretendimin për pavarësinë e gjyqësorit.

Denoncimi ngre pikëpyetje mbi vonesat në proceset gjyqësore dhe kohën që u duhet qytetarëve për të marrë një vendim nga drejtësia.