Skandal pranë Valamarit/ Ujërat e zeza shkarkohen në det, ndotja përhapet përgjatë bregut

Një situatë shqetësuese është regjistruar pranë zonës së Valamarit, ku ujërat e zeza përfundojnë drejtpërdrejt në det. Pamjet tregojnë një masë të dukshme uji të ndotur që del nga bregu dhe përhapet në ujërat e detit, duke krijuar një njollë të gjerë me ngjyrë të errët.

Bëhet fjalë për një zonë bregdetare të frekuentuar nga pushues, çka e bën situatën edhe më shqetësuese për cilësinë e ujit dhe ndikimin e mundshëm në mjedis dhe shëndetin e qytetarëve.

Pamjet ngrenë pikëpyetje serioze mbi mënyrën se si menaxhohen dhe trajtohen ujërat e zeza, si dhe mbi kontrollet që duhet të garantojnë që shkarkime të tilla të mos përfundojnë në det.

Mbetet për t’u verifikuar nga institucionet përgjegjëse nëse shkarkimi është në përputhje me standardet mjedisore dhe nëse janë marrë masat përkatëse./Piranjat News