Skandali seksual me anëtarin, reagon KLP! Ja çfarë pritet

Pas skandalit ku një anëtar i Këshillit të Lartë të Prokurorisë, i kërkon favore seksuale një zonje të divorcuar dhe dhunuar nga ish-burri, ka çuar prokurorinë e posaçme SPAK, të nisë menjëherë hetimet.

Por sakaq ka reaguar dhe KLP, ku sqaron se do të bashkëpunojë me drejtësinë për të zbardhur ngjarjen.

Reagimi:

Procedimi penal është nisur kryesish duke marë shkak nga publikimi i pamjeve filmike, ku shfaqej në një bisedë seksuale shoqëruar me foto intime, anëtari i KLP-së Olger Eminaj dhe një grua tjetër, e cila kishte shkuar në KLP për tu ankuar ndaj prokurores së Tiranës, Rovena Zoto.

Tiranë, 24 mars 2026 – Këshilli i Lartë i Prokurorisë (KLP) ka ndjekur me shqetësim përmbajtjen e transmetuar gjatë emisionit investigativ “Stop”, ditën e hënë, datë 23.03.2026.

Në kuadër të transparencës institucionale, KLP informon se ankesa e depozituar nga qytetarja i është përcjellë për trajtim dhe kompetencë Prokurorisë së Juridiksionit të Përgjithshëm Tiranë, sipas të gjitha parashikimeve ligjore.

Lidhur me çështjet etike dhe disiplinore që përfshijnë anëtarët e Këshillit, neni 104, i ligjit nr. 115/2016, “Për organet e qeverisjes së sistemit të drejtësisë”, parashikon se çdo pretendim për shkelje disiplinore ndaj anëtarëve të KLP-së i nënshtrohet kompetencës ekskluzive të Inspektorit të Lartë të Drejtësisë dhe më tej Gjykatës Kushtetuese.

Në interes të informimit të drejtë të opinionit publik dhe medias, theksojmë se çështja është duke u verifikuar plotësisht nga institucionet kompetente, për zbardhjen e së vërtetës. Ndaj, Këshilli i Lartë i Prokurorisë do të bashkëpunojë ngushtësisht me të gjitha institucionet, me qëllim trajtimin e kësaj çështjeje në mënyrë objektive, të paanshme dhe në përputhje me ligjin.

Këshilli i Lartë i Prokurorisë garanton se përtej situatave të caktuara, do të vijojë përpjekjet për të ruajtur integritetin institucional në përmbushjen e standardeve të përgjegjshmërisë në ushtrimin e funksioneve publike.