L
Një plagosje me thikë ka ndodhur rreth mesditës në Durrës, në zonën e Shkozetit. Një i ri, rreth 25 vjeç, &eum...
AKTUALITET
Sot 1 Qershori, Hita takohet me fëmijët e shkollës ‘1 Maji’: Mos hezitoni të zgjasni dorën për ndihmë
PiranjatPërditësimi i fundit 1 Qershor 2026, 12:20
Ditën e sotme, një grup fëmijësh, nxënës të shkollës 9-vjeçari “1 Maji”, u pritën nga Drejtori i Përgjithshëm i Policisë, Skënder Hita, i cili bisedoi me vogëlushët, i uroi për festën e 1 Qershorit dhe iu dha dhurata të përgatitura enkas për ta.
Gjithashtu, Hita u ka kujtuar fëmijëve se ata janë prioritet i sigurisë fizike dhe asaj virtuale, duke shtuar se policia gjendet gjithnjë pranë tyre për t’u ofruar ndihmë.
Fjala e Skënder Hitaj:
“Të dashur fëmijë,
Sot është dita juaj, dita që na kujton neve të rriturve se sa e bukur dhe e pastër është bota që shihet përmes syve tuaj.
Ju jeni e ardhmja e vendit tonë dhe arsyeja pse ne punojmë çdo ditë për një Shqipëri më të sigurt. Dëshira jonë është që ju të rriteni të lumtur, të shëndetshëm, të arsimuar dhe të ndiheni gjithmonë të mbrojtur.
Si prind dhe si Drejtor i Përgjithshëm i Policisë së Shtetit, ju siguroj se punonjësit tanë do të vazhdojnë të jenë pranë jush, duke u angazhuar çdo ditë për sigurinë tuaj në shkollë, në rrugë, në komunitet, si dhe në internet, ku kujdesi dhe mbrojtja janë po aq të rëndësishme.
Mos hezitoni kurrë të na zgjatni dorën kur keni nevojë për ndihmë, këshillë apo mbështetje. Punonjësi i Policisë është dhe do të jetë gjithmonë pranë jush, si një mik i besuar.
Në këtë ditë të veçantë për ju, ju uroj nga zemra gëzuar festën dhe paçi gjithmonë diell në rrugëtimin e jetës suaj!”, shprehet Hita.
