16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
AKTUALITET
SPAK nis hetimet për pagat e magjistratëve, sekuestron praktikat te Ministria e Financave
PiranjatPërditësimi i fundit 17 September 2026, 18:58
SPAK ka nisur hetimet për çështjet e pagave të gjyqtarëve. Prokuroria e Posaçme ka sekuestruar praktikat te Financat.
Drejtues të gjykatave të të gjitha niveleve, organizatat e gjyqtarëve dhe Shoqata e Prokurorëve kanë depozituar pak ditë më parë një kallëzim penal në SPAK ndaj ministrit të Financave, Petrit Malaj, Sekretarit të Përgjithshëm të ministrisë, Gentian Këri, si dhe 14 përgjegjësve të Degëve të Thesarit në rrethe. Kallëzimi lidhet me mosdhënien e pagave për magjistratët dhe personelin mbështetës të gjykatave dhe prokurorive për muajin gusht 2026.
Në mesin e kallëzuesve janë drejtues dhe përfaqësues të disa institucioneve të drejtësisë, mes tyre Gjykata Administrative e Apelit, Gjykata e Apelit të Juridiksionit të Përgjithshëm dhe Gjykata e Posaçme e Apelit. Pjesë e kallëzimit janë edhe drejtuesit e Unionit të Gjyqtarëve, Shoqatës Kombëtare të Gjyqtarëve dhe Shoqatës së Prokurorëve.
Kallëzuesit i kërkojnë SPAK-ut të nisë procedimin penal për tre vepra penale: “Shpërdorimi i detyrës”, “Pengimi i ekzekutimit të vendimeve të gjykatës” dhe “Mosekzekutimi pa shkaqe të përligjura i vendimit të gjykatës”. Në dokumentin e dorëzuar në SPAK, ata kërkonin që të hetohet se kush ka marrë, përcjellë apo zbatuar vendimin që ka çuar në mosdhënien e pagave. /PiranjatNews/
