Lufta Shtetet e Bashkuara-Iran po zhvillohet gjithnjë e më shumë në det, me të dyja palët që synojnë cisterna nafte dh...
AKTUALITET
SPAK nis verifikimet për denoncimet e Ahmetaj për trafik armësh. Sekuestrohen 6 përgjimet dhe emisioni i plotë
PiranjatPërditësimi i fundit 9 Shtator 2026, 13:11
Prokuroria e posaçme SPAK, ka vendosur të nisë verifikimet lidhur me deklaratat e forta të bëra nga ish-zv/kryeministri i Shqipërisë Arben Ahmetaj, gjatë një interviste televizive të publikuar në emisionin e “Syri Tv”, “Çim Peka Live”.
Byroja Kombëtare e Hetimit tashmë ka administruar përmes “Youtube” emisionin e plotë. Por paralelisht me këtë veprim, drejtuesi i SPAK Klodian Braho ka firmosur një dokument, duke kërkuar nga televizioni “Syri Tv” që ti verë në dispozicion të gjithë materialin e emisionit përfshirë këtu dhe përgjimet bruto të transmetuara në publik.
Këto veprime tregojnë një lëvizje verifikuese të SPAK dhe vijnë vetëm dy ditë pas transmentimit të intervistës me ish-zv/kryeministrin e Shqipërisë, Arben Ahmetaj, i cili prej disa kohësh qëndron në shtetin Zviceran në ekzil.
Ish-zëvendëskryeministri i Shqipërisë ka bërë disa denoncime të forta edhe më parë për geztarin Peka, por deri më tani, ai që cilësohet si kreu i organizatës nga Ahmetaj, kryeministri Edi Rama, nuk është prekur nga organi i akuzës.
Në intervistën e tij nga Zvicra për gazetarin Çim Peka, ish-zëvendëskryeministri Arben Ahmetaj ka publikuar audiopërgjime që, sipas tij, zbulojnë një skemë të dyshuar të abuzimit me fondet publike, grabitjes së aseteve shtetërore dhe trafikut ndërkombëtar të armëve.
Në qendër të denoncimeve të tij janë biznesmeni Izraelit, Ron Yefet, kompania “Timak Defense” dhe ajo që Ahmetaj e quan “koncepti KAYO”.
Ahmetaj, ka ngritur akuza të forta edhe për industrinë ushtarake, duke pretenduar se armët prodhohen e paketohen në Shqipëri për t’u dërguar më pas në zona konflikti.
Ai e ka lidhur këtë skemë drejtpërdrejt me Edi Ramën, ashtu sikurse edhe në denoncimet e mëparshme.
