“Mos e prek Memaliajn!” Me këtë mesazh dhe pankarta në duar, banorë të Memaliajt dolën në aksin kryesor që l...
AKTUALITET
Artan Tafani rrëfen njohjen me Laert Haxhinë: Më kërkoi të vendosja tritol në një banesë
PiranjatPërditësimi i fundit 29 Prill 2026, 10:46
Artan Tafani, bashkëpunëtori i drejtësisë i cili zbërtheu grupin kriminal të Laert Haxhiut, u pyet para Gjykatës nga prokurori Behar Dibra. Ai shpjegoi para gjykatës njohjen me Haxhiun dhe krimet që kanë kryer së bashku.
Tafani: "Me Laertin jam njohur nga një çun nga Lushnja. Jemi takuar në Dajt nëpërmjet Lulzim Arapit, ai ma ka prezantuar. Laerti më ka thënë çfarë di të bësh, pasi ai kishte marrë informacionet që unë kisha bërë vjedhje me dhunë. Herën e parë më ka dhënë 1 mijë euro. Më ka kërkuar Laerti t’i vendos një sasi tritoli në një banesë në Lushnje në pronësi të Erjon Cokut. Për këtë ngjarje kam takuar Laertin dhe më ka thënë se çfarë duhet të bëj. Tritolin e kisha unë, ma kishte dhënë një Sajmir Krasniqi. Më ka thënë Laerti 100 euro sa për lek xhepi. Nga Korça shkova direkt në Lushnje dhe nga ora 2-3 e natës shkoj e vë tritolin dhe kthehem prapë në shtëpi.
Në atë kohë flisja me Laertin dhe i thashë çfarë veprimesh bëra. Erjon Coku ishte një person që shiste heroinë dhe e njihja se isha përdorues. Ky i kishte marrë Laertit mallin dhe nuk i kishte dhënë lekët. Besnik Coku është vëllai i Erjonit, rrinte jashtë shtetit. Ishte hera e parë që e bëja një gjë të tillë."
