Takimi në Turqi me Mahmoud Abbas/ Erdogan ngre akuza ndaj Izraelit: Po përpiqet të fshijë Palestinën nga axhenda globale

Presidenti turk Rexhep Tajip Erdogan ka akuzuar qeverinë izraelite se po përpiqet ta largojë çështjen palestineze nga vëmendja ndërkombëtare. Gjatë një takimi në Ankara me Presidentin e Autoritetit Palestinez, Mahmoud Abbas, Erdogan tha se Izraeli po përfiton nga konfliktet dhe kaosi në rajon për të dobësuar çështjen palestineze.

Mediat e huaja raportojnë se në fjalën e tij ai theksoi që Turqia do të vazhdojë ta mbështesë Palestinën dhe se përpjekjet për ta zhdukur çështjen palestineze nga axhenda globale nuk do të kenë sukses. Nga ana e tij, Mahmoud Abbas tha se një paqe e drejtë mund të arrihet vetëm me përfundimin e pushtimit dhe krijimin e një shteti të pavarur palestinez, me Jerusalemin Lindor si kryeqytet. Ai gjithashtu mbështeti përpjekjet ndërkombëtare për t’i dhënë fund luftës dhe për të rikthyer autoritetin palestinez në Gaza.