Abdul Ballout, 21 vjeçari i cili dyshohet se kreu sulmin terrorist në Berlin, është vrarë këtë të diel, 26 korrik, g...
AKTUALITET
Të shtëna me armë nga kantieri i Ulajt në Rrjoll për të trembur banorët
PiranjatPërditësimi i fundit 18 Prill 2026, 13:27
Një episod alarmant është regjistruar sot në Rrjoll, zonë që prej kohësh është kthyer në vijën e parë të përplasjes mes banorëve dhe interesave të biznesit për ndërtim në tokat e tyre, ku përmendet emri i Bashkim Ulajt.
Sipas banorëve, ndërsa ata vijojnë protestën në mënyrë paqësore në pjesën e sipërme të zonës, nga drejtimi i kantierit janë dëgjuar të shtëna me armë zjarri. Ata e konsiderojnë këtë si një përpjekje të hapur për t’i frikësuar dhe për t’i detyruar të tërhiqen nga kundërshtimi i tyre, duke e cilësuar situatën si një përshkallëzim të rrezikshëm të presionit ndaj komunitetit.
Ajo që e bën edhe më të rëndë situatën është roli i policisë. Edhe pse e pranishme në vendngjarje dhe në dijeni të të shtënave, policia është mjaftuar me konstatimin se bëhej fjalë për qitje arme, pa dhënë asnjë përgjigje konkrete se kush qëndron pas këtij akti. Në vend të hetimit dhe garantimit të sigurisë, sipas banorëve, forcat e rendit janë përfshirë në përplasje me vetë protestuesit, duke krijuar përshtypjen e njëanshmërisë dhe duke shtuar tensionin në terren.
Banorët e Rrjollit shprehen se ndihen të pambrojtur dhe të përballur jo vetëm me humbjen e pronës, por edhe me një klimë frikësimi që, sipas tyre, po normalizohet. Megjithatë, ata deklarojnë se nuk do të tërhiqen, duke paralajmëruar se rezistenca e tyre do të vazhdojë pavarësisht çdo presioni.
Ndërkohë, redaksia e JOQ Albania i bën thirrje drejtorit të përgjithshëm të Policisë së Shtetit, Skënder Hitaj, që të zbardhë sa më parë këtë ngjarje dhe të sqarojë rrethanat e plota të incidentit, në vend që fokusi të mbetet tek shoqërimi i banorëve në komisariat.
