Tenderi për Aeroportin e Vlorës/ SPAK thërret anëtarët e komisionit të vlerësimit, dyshime për shkelje të barazisë dhe paracaktim të fituesit

Prokuroria e Posaçme, ka nisur hetimet për tenderin e ndërtimit të aeroportit të Vlorës, duke thirrur për marrjen e dëshmive të anëtarët e komisionit të vlerësimit.

Sipas gazetares Klodiana Lala, ka dyshime të forta se procedurat e barazisë janë shkelur gjatë vlerësimit të ofertave dhe ekziston mundësia që fituesi i kontratës të jetë paracaktuar.

“SPAK ka dyshime të forta se kontrata për aeroportin e Vlorës është lidhur në shkelje të procedurave të barazisë në tendera, po ashtu dhe fituesi është paracaktuar. Gjatë vlerësimit të kompanive është shkelur barazia dhe nga hetimet ka gjasa që fituesi është paracaktuar”, raporton gazetarja Klodiana Lala.