Ditën e sotme vendi ynë pritet të ndikohet nga kushte atmosferike të paqëndrueshme.
Sipas SHMU, moti parashikohet me vranësira me...
AKTUALITET
Tërbohet me gruan, 45-vjeçari shqiptar i jep makinës gaz dhe “fluturon” bashkë me të në kanalin me ujë
PiranjatPërditësimi i fundit 19 August 2026, 23:00
Një moment paniku u shënua pasditen e së martës, 19 gusht, në portin e kanalit të Cattolica-s, në zonën e Riminit, ku një automjet me dy persona në bord përfundoi në ujë.
Në timon ndodhej një 45-vjeçar shqiptar, i cili, sipas një rindërtimi paraprak të ngjarjes, dyshohet se u fut qëllimisht me makinë në kanal pas një konflikti. Në krah të tij ndodhej bashkëshortja, një 42-vjeçare shqiptare. Automjeti ra në ujë pak pas orës 16:30.
Shpëtimi
Kur makina, një Volkswagen Golf, u zhyt në ujë, dera e bagazhit u hap dhe dy bashkëshortët arritën të dilnin në sipërfaqe.
Ndihma e disa personave që ndodheshin në breg ishte vendimtare. Ata u hodhën në ujë për t'i ndihmuar çiftit të arrinte në breg. Në vendngjarje mbërritën ekipet mjekësore të 118 dhe zjarrfikësit.
Arratiset burri
Ndërsa ekipet e shpëtimit po u jepnin ndihmën e parë burrit dhe gruas, 45-vjeçari, sapo u përmend, u largua papritur me vrap mes shkëmbinjve, duke humbur gjurmët.
Ndërkohë, gruaja u transportua në spital për kontrolle mjekësore. Bëhet fjalë për kontrolle thjesht parandaluese dhe, sipas informacioneve paraprake, ajo nuk është në rrezik për jetën.
Policia vijon hetimet për të rindërtuar me saktësi dinamikën e ngjarjes dhe për të përcaktuar se çfarë ka ndodhur.
45-vjeçari ishte arrestuar një ditë më parë
Vetëm një ditë më parë, burri, banues në San Giovanni in Marignano, ishte arrestuar për kundërshtim të punonjësit të policisë, pasi karabinierët kishin ndërhyrë pas një denoncimi për një konflikt familjar.
Sipas të dhënave paraprake, ndaj 45-vjeçarit nuk rezultojnë aktualisht denoncime për dhunë ndaj bashkëshortes. Burri ka disa precedentë të mëparshëm penalë, por bëhet fjalë për ngjarje shumë të vjetra. /PiranjatNews/
