L
Një plagosje me thikë ka ndodhur rreth mesditës në Durrës, në zonën e Shkozetit. Një i ri, rreth 25 vjeç, &eum...
AKTUALITET
Tërhoqën zvarrë protestuesin në Zvërnec, prokuroria kërkon arrestimin e rojeve të 'Major Security'
Nga Elton QynoPërditësimi i fundit 1 Qershor 2026, 12:36
Prokuroria e Vlorës ka kërkuar masën e sigurisë “arrest me burg” për Geraldo Bibën, si dhe 3 persona të tjerë që rrëmbyen qytetarin me inicialet G.S.
Kërkesa është çuar në Gjykatën e Vlorës për shqyrtim, ku pritet që 4 personat e shoqërisë private "Major Security" të gjykohen për akuzën e "Heqjes së paligjshme të lirisë" kryer në bashkëpunim.
Gazetari Elton Qyno ka mësuar se të 4 personat Geraldo Biba, Gazmend Vathi, Artur Grami dhe një person tjetër, akuzohen për dhunimin e një protestuesi gjatë protestës së zhvilluar pak ditë më parë në zonën e Zvërnecit.
Pas shqyrtimit të materialeve hetimore dhe dëgjimit të palëve, gjykata do vendosi që 4 të dyshuarit të qëndrojnë në paraburgim apo do hetohen me masë më të butë arresti.
Ish-mister Shqipëria për vitin 2012, Geraldo Biba, u arrestua nga policia e Vlorës për akuzën e “Plagosjes së lehtë me dashje” dhe “Heqje të paligjshme të lirisë”, pasi ishte protagonisti kryesor i dhunës së ushtruar ndaj qytetarit me inicialet E.S.
Ngjarja ndodhi gjatë protestës së organizuar nga banorë dhe aktivistë kundër projektit që po zhvillohet në zonën e Zvërnecit, ku pati tensione mes protestuesve dhe personave të angazhuar për sigurinë e projektit.
Gerald Biba rezulton të jetë pronari në hije i “Major Security”, ndërsa kompania është e regjistruar në pronësi të vjehrrës së tij, Shpresa Myzyri. Kompania e sigurimit privat “Major Security” është themeluar në nëntor 2016 në Durrës.
Nga ky muaj e deri në nëntor 2021, emri i Gerlad Bibës figuron vetëm si administrator.
“Major Security” i ka ofruar shërbime personazheve vip të shoëbizit shqiptar, përfshirë këtu edhe reperit Noizy.
Në Durrës shumë e dinë që pronari në hije i kësaj kompanie është pikërisht, Geraldo Biba, i cili lidh kontratat e sigurisë me bizneset dhe emrat e ndryshëm të personazheve të shoë-bizzit në Shqipëri.
Një amator në këtë fushë, i cili nga garantimi i sigurisë së klubeve të natës në Tiranë dhe Durrës si dhe disa këngëtarëve të njohur në Shqipëri, “Stresi-Noizy”, hyri në një kontratë ekonomikisht të majme për garantimin e sigurisë tek shoqëria “Zvërnec South Adriatic Development”.
