Tjetër aksident i rëndë/ Drejtuesi i mjetit humb kontrollin dhe del nga rruga, vdes 32-vjeçari

Një tjetër aksident rrugor ka ndodhur në Pogradec, në aksin Pogradec–Qafë Thanë, duke shtuar bilancin e ngjarjeve të regjistruara në këtë segment rrugor.

Sipas informacioneve paraprake, një automjet ka humbur kontrollin, ka dalë nga rruga dhe është përplasur me barrierat anësore.

Për pasojë është lënduar drejtuesi i mjetit. Aksidenti ka ndodhur vetëm pak çaste më parë, ndërsa ambulanca është nisur menjëherë drejt vendit të ngjarjes për t’i dhënë ndihmën e nevojshme të plagosurit.

Në vendngjarje kanë mbërritur edhe shërbimet e Policisë, të cilat kanë nisur hetimet për të përcaktuar shkaqet dhe rrethanat e aksidentit.

Njoftimi: 

Në aksin rrugor "Lin–Pogradec", shtetasi A. I., 32 vjeç, duke drejtuar automjetin, dyshohet se ka humbur kontrollin mbi drejtimin e tij dhe, për pasojë, automjeti ka dalë nga rruga.

Si pasojë e aksidentit, drejtuesi i automjetit, shtetasi A. I., ka humbur jetën në spital.

Grupi hetimor po punon për sqarimin e plotë të rrethanave dhe shkakut të aksidentit.