Studentët në Universitetin e Korçës kanë vijuar bojkotin e mësimit, në mbështetje të protestës studentore e ...
AKTUALITET
Del fotoja e 27 vjeçarit që i dha fund jetës! I dyti rast brenda 3 ditësh
PiranjatPërditësimi i fundit 13 May 2026, 14:30
27-vjeçari Brisildo Stankoja i dha fund jetës në lule të rinisë, në një ngjarje të rëndë që tronditi mëngjesin e sotëm qytetin e Shkodër. Sipas informacioneve paraprake, i riu dyshohet se është hedhur nga një pallat në lagjen Rus, ndërsa për pasojë ka humbur jetën nga plagët e marra. Banorët e zonës kanë mbetur të shokuar nga skena tragjike, ndërsa menjëherë në vendngjarje mbërritën shërbimet e policisë dhe grupi hetimor për të kryer veprimet procedurale dhe për të zbardhur rrethanat e plota të ngjarjes.
Deri më tani nuk janë bërë të ditura shkaqet që mund ta kenë çuar 27-vjeçarin drejt këtij akti ekstrem, por ngjarja ka rikthyer edhe njëherë vëmendjen te problemet emocionale dhe psikologjike me të cilat përballen shumë të rinj. Familjarë, miq dhe qytetarë kanë reaguar me dhimbje për humbjen e të riut, ndërsa në rrjetet sociale janë shtuar mesazhet që bëjnë thirrje për më shumë kujdes dhe mbështetje ndaj shëndetit mendor.
Kjo tragjedi vjen vetëm tre ditë pasi një tjetër ngjarje e rëndë tronditi Durrës, ku 19-vjeçarja Prayla Key Troplini humbi jetën pasi dyshohet se u hodh nga kati i pestë i një pallati. E reja, që sipas burimeve ndodhej në gjendje të rënduar psikologjike, la pas dhimbje, lot dhe shumë pikëpyetje për shoqërinë. Dy ngjarje të rënda brenda pak ditësh po ngrenë alarmin për gjendjen emocionale të të rinjve dhe nevojën që thirrjet e tyre për ndihmë të dëgjohen.
