Një aksident rrugor është regjistruar mëngjesin e sotëm në Kukës, në vendin e quajtur “Lugina e Drinit të Zi&...
AKTUALITET
Tubimi i 82-të në kryeqytet/ Protestuesi me thirrje prekëse për brezin e vjetër: A është kjo Shqipëria që keni ëndërruar?
PiranjatPërditësimi i fundit 20 August 2026, 22:10
Një nga pjesëmarrësit në protestë iu drejtua turmës me një fjalim motivues, duke theksuar se bashkimi i qytetarëve ka si qëllim kryesor dorëheqjen e kryeministrit Edi Rama dhe realizimin e ndryshimeve kushtetuese në vend.
Përmes një fjalimi të drejtpërdrejtë, ai vuri në pikëpyetje sakrificat e breznive të kaluara dhe të emigrantëve, duke kërkuar që qëndresa të vijojë deri në plotësimin e kërkesave.
“Kjo protestë ka treguar se jemi bashkë për qëllime të mëdha. A është kjo Shqipëria që keni dashur ju gjyshër që keni punuar e sakrifikuar? A është kjo Shqipëria kur keni lënë kockat në hidrocentrale, nëpër bunkerë? A është kjo Shqipëria që keni dashur ju emigrantë të viteve ’90? Dhe të gjithë ne këtu , a është kjo Shqipëria që kemi ëndërruar? Dhe përgjigja është jo. Prandaj ne jemi këtu në këtë shesh. Kam thirrje për çdonjeri. Në këtë qëndresë ne do t’i arrijmë qëllimet tona sepse nuk dorëzohemi më.
Vetëm të bashkuar mund të ja dalim…Faktori shqiptar është më i rëndësishëm dhe më i fortë, por këta që janë këtu duan të shesin interesat e kombit tonë dhe ne për këtë jemi këtu sepse nuk e pranojmë këtë. Këto ndryshime nuk mund të vijnë pa thelbin e kërkesave tona, dhe më themelorja është ndryshimet Kushtetuese në Republikën e Shqipërisë. Por në kërkojmë liri dhe të drejta…Duhet të jemi bashkë sepse vetëm bashkë i arrijmë qëllimet tona. Kjo qëndresë është fuqia e vërtetë e një kombi të bashkuar. Tani jemi më afër se kurrë realizimit të kërkesave tona”, tha ai.
