Deputetja e Partisë Demokratike, Jorida Tabaku, ka reaguar ndaj mënyrës se si qeveria po i paraqet të dhënat e fundit të eksport...
AKTUALITET
U arrestua në Greqi me kërkesë të SPAK/ Biznesmeni Ilir Shtufi: Jam në shënjestër të Ramës
PiranjatPërditësimi i fundit 18 Gusht 2026, 18:45
Biznesmeni Ilir Shtufi, ndonëse ka marrë pa fund leje ndërtimi dhe ka pasur lidhje të forta me politikën, ka drejtuar gishtin nga Edi Rama për arrestimin që iu bë pak kohë më parë.
Kujtojmë se Shtufi u arrestua në Greqi më 12 qershor, pas një urdhër-arresti të lëshuar nga SPAK pasi akuzohet se pastronte paratë e krimit përmes ndërtimit. Ai arriti të dilte nga territori gjatë kohës që nisën arrestimet, por u lokalizua në Greqi, ku edhe mbahet në burg.
“Kathimerinit” shkruan se Ilir Shtufi ka përdorur një kartë tjetër për të shmangur ekstradimin. Sipas medias greke, Shtufi akuzon Ramën se po e godet qëllimisht.
“Një biznesmen 53-vjeçar shqiptar i ndërtimit dhe energjisë, i cili u arrestua në Selanik më 12 qershor sipas një urdhër-arresti ndërkombëtar, mohon akuzat e prokurorëve shqiptarë se ai ka pastruar fitimet nga trafikimi i drogës, duke e quajtur rastin një sulm të motivuar politikisht nga kryeministri Edi Rama. Prokuroria Speciale Kundër Korrupsionit dhe Krimit të Organizuar e Shqipërisë thotë se ai i përkiste një rrjeti që pastronte miliona euro, dollarë dhe peso midis viteve 2018 dhe 2023 përmes firmave të tregtimit të mishit, frutave dhe qymyrit dhe një kompanie ndërtimi që ndërtonte hotele dhe zyra në Tiranë”, thuhet në artikull.
