Dashi
Dita ju nxit të dilni nga rutina dhe të merrni iniciativa. Nëse jeni në një lidhje, kushtojini kohë krijimit të nj&eum...
AKTUALITET
U dhunua shefi i krimeve, Gjykata merr vendimin për 6 badigardët e “Orange” në Sarandë
PiranjatPërditësimi i fundit 19 August 2026, 20:43
Gjykata e Sarandës ka caktuar masën e sigurisë “arrest me burg” për gjashtë badigardët e arrestuar pas konfliktit të ndodhur në ambientet e klubit “Orange” në Sarandë, ku u përfshi edhe shefi i Hetimit të Krimit në Komisariatin e Sarandës, nënkomisari Mateo Bakalli.
Ngjarja ndodhi rreth orës 03:20 të mëngjesit në rrugën “Butrinti”, pas një konflikti ku ishin përfshirë punonjës të sigurisë së lokalit dhe disa persona. Sipas versionit të policisë, Bakalli ndërhyri për të qetësuar situatën, u prezantua si punonjës policie dhe më pas u godit me grushte nga personat e përfshirë në konflikt.
Në vijim të veprimeve hetimore, policia arrestoi gjashtë persona: administratorin e lokalit, katër punonjës sigurie dhe një taksist, ndërsa një tjetër person, 28 vjeç, i cili punonte si roje sigurie, u shpall në kërkim.
Dy efektivë policie janë pezulluar nga detyra, pasi rezultuan se punonin si roje sigurie në këtë biznes pa marrë lejen përkatëse nga drejtuesit e tyre. Sipas policisë, ata nuk kishin njoftuar shërbimet për konfliktin dhe nuk kishin ndërhyrë për të parandaluar përshkallëzimin e situatës.
Bakalli mori ndihmë mjekësore pas incidentit, ndërsa hetimet për rrethanat e plota të ngjarjes vijojnë nën drejtimin e Prokurorisë së Sarandës.
