Real Madridi kërkoi falje të mërkurën pasi sulmuesi i tyre francez, Kylian Mbappe, shkaktoi reagime të ashpra për komentet e tij d...
AKTUALITET
U mor i pandehur për dosjen Balluku, Igli Tare del nga SPAK, “kyç” gojën për gazetarët
PiranjatPërditësimi i fundit 4 June 2026, 15:59
Pas rreth 6 orësh marrjeje në pyetje, Igli Tare ka dalë nga Prokuroria e Posaçme kundër Korrupsionit dhe Krimit të Organizuar (SPAK).
Ish-futbollisti ka kyçur gojën për gazetarët pasi ka dalë nga ambientet e Prokurorisë.
Më herët gjatë ditës u raportua se SPAK i ka komunikuar Tares akuzën e pastrimit të parave në lidhje me dosjen e ish-zv kryeministres, Belinda Balluku.
SPAK thotë se Tare ka fshehur në emër të tij vilën që iu sekuestrua Belinda Ballukut.
Sipas Prokurorisë, është përdorur një skemë për të fshehur pronësinë reale të vilës dhe për këtë është përdorur Igli Tare dhe vartësja e Ballukut në kohën që ajo drejtonte Albcontrol.
“Për të fshehur këtë pasuri si produkt të veprës penale, shtetasja Belinda Balluku ka përdorur shtetasin I.T dhe vartësen e saj në Albcontrol sh.a., shtetasen J.B. Kështu, rezulton se shtetasja Belinda Balluku ka kryer veprimin fiktiv të kontratës së porosisë nr. 1059 rep., nr. 650 kol., datë 5.12.2018, të lidhur mes shtetasit I.T dhe pronarit të shoqërisë “Eurocol” sh.p.k., shtetasit P.C.
Veprimet e kundërligjshme në formën e pastrimit të produkteve të veprës penale kanë vijuar nga shtetasit Belinda Balluku, I.T dhe J.B, duke kryer veprimin tjetër fiktiv, atë të kontratës së qirasë (kontratë dore), datë 25.5.2022, dhe amendamentin e kësaj kontrate, datë 26.4.2024.”, thuhej në njoftimin e SPAK.
