U nis nga Durrësi, 42-vjeçari shqiptar kapet me 98 kg kokainë

Një ngarkesë e madhe droge u kap në një zonë shërbimi. Bëhet fjalë për 98 kilogramë kokainë, të destinuara për tregun e narkotikëve, ndërsa hetimet kanë zbuluar edhe një lidhje që çon në Brescia.

Ky është rezultati i një operacioni të Guardia di Finanza-s së Brescias, e cila në Romë arrestoi një 42-vjeçar shqiptar, në momentin kur po i dorëzonte ngarkesën me drogë një bashkatdhetari 36-vjeçar.

Operacioni u zhvillua në një zonë shërbimi në zonën e Ottavianos, në kryeqytetin italian. Efektivët e Guardia di Finanza-s e ndaluan 42-vjeçarin në momentin e dorëzimit dhe sekuestruan 98 kilogramët e kokainës.

Sipas rindërtimit të hetuesve, 42-vjeçari ishte nisur nga Durrësi, në Shqipëri, kishte kaluar kufirin përmes Triestes dhe më pas kishte vijuar rrugën drejt Romës.

Megjithatë, pikërisht te lidhjet e tij me Brescia-n janë përqendruar tashmë hetimet, me qëllim zbardhjen e personave të tjerë dhe rrjetit të mundshëm që qëndron pas trafikut të drogës.

Lidhjet me Brescia-n

42-vjeçari, në fakt, dyshohet se kishte kontakte dhe lidhje me rrjetin e shpërndarjes së drogës në Brescia.

Hipoteza e hetuesve është se personi i ndaluar në timonin e automjetit të mbushur me drogë nuk ishte thjesht një korrier rastësor, por dyshohet se ishte pjesë e një rrjeti të aftë për të transportuar sasi droge, përfshirë edhe ngarkesa të destinuara për tregun e narkotikëve në Brescia. /PiranjatNews/