U prangos  për sulmin e Komisariatit nr.3, lirohet protestuesi 33-vjeçar

Lirohet me masën detyrim paraqitje Erald Heqimaj. 33-vjeçari nga Fieri dhe me banim në Tiranë u arrestua  për incidentin në komisariatin nr 3 të gjatë protestës kombëtare të 4 korrikut.

Prokuroria kërkoi të njëjtën masë që vendosën togat e zeza teksa i riu u arrestua dy ditë më parë. Mbrëmjen e së shtunës, kur protesta e 35-të e ishte thuajse në përfundim, Heqimaj me disa të tjerë që janë shpallur në kërkim sulmoi dyert dhe dritaret e komisariatit pranë ambienteve të pritjes së qytetarëve.

Ai rezulton pa precedent penal të mëparshëm, ndërsa në dëshminë e tij paraprake ka deklaruar se reagoi në akte të dhunshme i ekzaltuar prej frymës së turmës, e cila gjatë gjithë protestës, pati në fokus kërkesën për lirimin e 19 të arrestuarve pas përplasjeve tek parlamenti.  Përveç Heqimajt, policia identifikoi edhe 11 shtetas të tjerë, 7 prej të cilëve po hetohen në gjendje të lirë dhe 4 të shpallur në kërkim.