Pamje prekëse e tepër emocionuese vijnë nga Prishtina.
Një polic i Kosovës ka qarë, kur protestuesit i vendosin pranë flam...
AKTUALITET
U zgjodh administrator i Universitetit “Luigj Gurakuqi”, rektori kundërshton emërimin e Mark Mollës
PiranjatPërditësimi i fundit 7 Prill 2026, 17:16
Rektori i Universiteti “Luigj Gurakuqi”, Tonin Gjuraj, ka kundërshtuar emërimin e Mark Mollës si administrator të universitetit, duke e cilësuar si person të papërshtatshëm për shkak të një dënimi të mëparshëm.
Në një deklaratë për mediat, Gjuraj foli për procesin zgjedhor të zhvilluar pak ditë më parë, ku Molla u zgjodh në këtë post. Gjatë fjalës së tij, rektori ngriti gjithashtu shqetësimin edhe për mënyrën si është zhvilluar procesi, duke theksuar se bordi i universitetit, sipas tij, ka shkelur kriteret gjatë këtyre zgjedhjeve.
“Universiteti i Shkodrës nuk është vend parkimi dhe as një institucion ku dikujt duhet t’i gjendet një vend pune. Për punë duhet të zgjedhim personin e duhur. Nuk është bord kullimi, që kështu unë e kam kundërshtuar emërimin për arsye të moralitetit dhe integritetit të lartë akademik. Një institucion nuk mund të pranojë një kandidaturë që është zgjedhur në mënyrë të paligjshme nga bordi”, është shprehur Gjuraj.
Më tej, Gjuraj i bëri thirrje Senatit Akademik që të rishikojë përbërjen e anëtarëve të bordit, të cilët zgjidhen nga vetë senati i universitetit.
Kujtojmë se, Mark Molla u zgjodh administrator i universitetit pak ditë më parë, duke marrë 6 nga 7 votat e anëtarëve të bordit, çka i siguroi shumicën për këtë post.
