Heqja e taksës së qarkullimit nga çmimi i karburantit dhe kalimi i saj në një taksë mbi automjetet shihet si një lehtë...
AKTUALITET
Ulërima, shkelma dhe grushta/ Piranjat News publikojnë pamjet e sherrit në Golem, si u dhunua kamarieri
PiranjatPërditësimi i fundit 1 September 2026, 11:59
Pamjet që shikoni në videon e mëposhtme janë nga ngjarja e rëndë e regjistruar pak ditë më parë në Golem, ku kamarieri i hotel “Flar” është dhunuar barbarisht.
Siç mund të shihet dhe nga pamjet, kamarieri 18-vjeçar, Genti Nela është dhunuar me grushta e shqelma, nga Florian Habilaj, djali i pronarit të hotelit si edhe Enold Dragoti, shoku i pronarit.
Sipas raportimeve në media, sherri kishte nisur pasi 18-vjeçari kishte kërkuar pagesën për punën e kryer në hotel. Sherri ka degraduar në përplasje fizike, ndërsa janë përfshirë edhe persona të tjerë.
Pas episodit të dhunës, Gjykata e Durrësit caktoi masën e sigurisë “arrest me burg” me afat 45 ditë, për Florian Habilajn si edhe për Enold Dragotin. Të dy akuzohen për vrasje me dashje e mbetur në tentativë.
Për vlerësimin e masës së sigurisë, në Gjykatë doli edhe xhaxhai i 18-vjeçarit, Melison Nela, i cili po ashtu u la në qeli nën akuzë për armëmbajtje pa leje. Pasi mori vesh lajmin se nipi i tij u dhunua, Melison Nela mori kallashin dhe shkoi drejt hotelit. Por ngjarja e rëndë u parandalua nga policia, e cila ndëryri për arrestimin e tij dhe dhunuesve të 18-vjeçarit.
Sakaq në kërkim është shpallur edhe bashkëpronari tjetër Arbër Habilaj.
