Violand Braçellari, 43-vjeçari që vrau me armë policin Enea Mekolli dhe plagosi kolegun e tij Edison Adri në Maliq, ka dalë ...
AKTUALITET
"Uniformë burgu, brisk e miell"! Protestuesi ‘mbulon’ Ramën me dhurata: Sapunin ndaje me Veliajn në qeli
PiranjatPërditësimi i fundit 4 Korrik 2026, 22:57
TIRANË- Një protestues ka 'mbuluar' kryeministrin Edi Rama me dhurata për datëlindje. Protestuesi tha se studentët kishin vendosur t'i sillnin Ramës një kostum burgu, të cilin e cilësoi si nga më të mirët që ka Europa, ndërsa shtoi se kostumi ishte i përshtatshëm si për verën, ashtu edhe për dimrin.
Gjatë fjalimit të tij, protestuesi theksoi se mes dhuratave ka edhe një sapun, duke thënë se do të duhej ta ndante me Erion Veliajn dhe një qese me miell nga fshatrat e Korçës, pasi në burg do t'i vinte dëshira të gatuante byrek, si dhe një brisk.
“Ne studentët në protestë i kemi sjellë dhuratë Ramën, meqë këto 13 vite nuk ka marrë asnjë dhuratë. Ky është kostum burgu nga më të mirët që ka Europa. Në behar të mban freskët, në dimër shumë ngrohtë. Mos u mërzit se kemi menduar për shumë gjëra të tjera. Një sapun, por do të duhet ta ndash bashkë me Erion Veliajn. Të kam sjellë edhe një qese me miell, sepse e di që do të marrë malli të gatuash ndonjë byrek. E ke miell bo direkt nga fshatrat e Korçës. I kam sjellë një brisk. A e sheh ca populli jemi. Ta mbash gëzuar e mos të dalësh kurrë nga burgu. Shumë burgime për ty, shumë burgime për Ramën, shumë burgime për ty”, tha protestuesi.
