Asociacioni i Gazetarëve të Shqipërisë ka depozituar në Gjykatën Kushtetuese kërkesën kundër rregullores së ...
AKTUALITET
Vajza i vdiq pas natës me tre çuna, babai do drejtësi: E përcolla në varr e jo në altar
PiranjatPërditësimi i fundit 20 Prill 2026, 13:18
Babai i 19-vjeçares Myrto, e cila humbi jetën në një ngjarje që ka tronditur opinionin publik, ka shprehur zemërim dhe zhgënjim për zhvillimet pas vendosjes në paraburgim të tre të dyshuarve. Në një intervistë televizive, ai tha se drejtësia nuk po funksionon siç duhet dhe kritikoi ashpër institucionet.
Me tone të forta emocionale, ai e përshkroi vajzën e tij si “një engjëll” dhe u shpreh se ndihet i zhgënjyer nga mënyra si po trajtohet çështja. Sipas tij, nuk bëhet fjalë vetëm për tre persona, por për një rrjet më të gjerë të mundshëm, duke lënë të kuptohet se pas ngjarjes mund të ketë struktura të organizuara.
Në një moment prekës, babai tregoi edhe dhimbjen personale, duke kujtuar se kishte premtuar ta shoqëronte vajzën në kishë si nuse, por në vend të kësaj e përcolli në varrim. Deklaratat e tij pasqyrojnë dhimbjen e thellë dhe revoltën që ai ende po përjeton.
19-vjeçarja Myrto humbi jetën në Argostoli pas një nate në një dhomë hoteli. Në ngjarje dyshohet se janë të përfshirë tre persona: një 26-vjeçar ish-peshëngritës, një 23-vjeçar dhe një 22-vjeçar me origjinë shqiptare. Pamjet tregojnë momentin kur 26-vjeçari e nxjerr vajzën pa ndjenja nga hoteli dhe e transporton drejt një zone publike, ku më pas ajo është lënë.
