Vazhdon skandali/ Rrjedhja e ujit në Llixhat e Bënjës vë në rrezik jetët e vizitorëve

Pas videos skandaloze të publikuar nga Piranjat në lidhje me gjendjen e rëndë tek Llixhat e Bënjës, një tjetër material i siguruar nga Piranjat News nxjerr në pah një situatë alarmante që vazhdon të përkeqësohet.

Pamjet tregojnë qartë se uji rrjedh në mënyrë të pakontrolluar, duke krijuar shtresa myshku dhe një terren të rrëshqitshëm që e bën lëvizjen të vështirë dhe potencialisht të rrezikshme për vizitorët.

Kjo gjendje jo vetëm që cenon sigurinë e qytetarëve dhe turistëve, por dëmton edhe imazhin e një prej destinacioneve më të frekuentuara turistike në vend.

Kujtojmë se për këtë projekt janë investuar 2 milionë euro, çka ngre pikëpyetje serioze mbi mënyrën e realizimit të punimeve dhe menaxhimin e fondeve publike.

Dyshimet se ky investim mund të jetë shndërruar në një tjetër rast abuzimi apo shpërdorimi fondesh bëhen edhe më të forta kur merret parasysh fakti që, pavarësisht denoncimeve të mëparshme, nuk është marrë asnjë masë konkrete nga institucionet përgjegjëse./Piranjat News