Kim Kardashian ka rrëfyer se kishte dyshime përpara martesës me ish-basketbollistin e NBA-së, Kris Humphries, por vendosi të vaz...
AKTUALITET
Donin të vrisnin Indrit Doklen dhe Sanxhaktarin/ GJKKO dënon Çapjan, Merlikën dhe Xhixhën
PiranjatPërditësimi i fundit 2 June 2026, 21:11
Gjykata e Posaçme, dënoi sot me 18 vite burg në total dy njerëzit e afërt të biznesmenit të lojrave të fatit, Ervis Martinaj, dhe të pandehurin tjetër Florenc Çapia, të cilët u hetuan në një fraksion të ndarë nga dosjen voluminoze “Plumbi i Artë”.
Për shkak të gjykimit të shkurtuar, ata u dënuan përfundimin në total me 12 vite burgim.
Tre të pandehurit, Florenc Çapia, Alket Xhixha dhe Elvin Merlika u dënuan me nga 6 vite burg secili për kryerjen e veprave penale “Sigurim i kushteve dhe mjeteve materiale për të kryer vrasje”, “Kryerja e veprave penale nga organizata kriminale dhe grup i strukturuar kriminal”, “Grup i strukturuar kriminal.
Treshja e gjyqtarëve Kujtim Vraniçi, Rudina Palloj dhe Marinela Osmani komunikuan zbritjen e dënimit në 4 vite për të tre, pasi ata u gjykuan me procedurë të shkurtuar, duke përfituar uljen e dënimit në masën 1/3.
Prokuroria e Posaçme, përmes akteve që administroi në dosjen hetimore me Nr.75, i faktoi gjykatës se Alket Xhixha me Elvin Merlikën, kanë bashkëpunuar në formën e një grupi të strukturuar kriminal me Ervis Martinaj për të vrarë Indrit Doklen.
Plani për vrasjen e tij u zbulua fillimisht nga bashkëpunëtori i drejtësisë Nuredin Dumani, i cili pranoi se kishte marrë porosi nga Martinaj për vrasjen e Dokles në këmbim të 500 mijë eurove.
Ndërsa Florenc Capia, u gjet fajtor për sigurim kushtesh dhe mjetesh për vrasjen e Sokol Sanxhaktarit dhëndrit të ish-kryebashkiakut të Elbasanit Qazim Sejdini, në korrik të vitit 2020 plan që nuk u realizua.
Përveç kësaj çështje, Çapia është dënuar me burgim të përjetshëm si një nga porositësit e vrasjes së babë e birë, Gentian dhe Nezir Beqiri në vitin 2012 në Elbasan.
